«МЕКЕМТАС МЫРЗАХМЕТ ӘЛЕМІ»

         Жақында біздің кітапханамызда Мекемтас Мырзахметұлының шығармаларын талдау мақсатында «Мекемтас Мырзахмет әлемі»  атты әдеби тақырыпта іс-шара болып өтті.

           Бұл іс-шараны өтудегі мақсатымыз – жас оқырмандарымызды кітап оқуға және оларға білімнің кітап арқылы берілетінін ұғындыру. Зейіндерін шоғырландыру, шығармашылық қәбілетін, ой-өрісін дамыту.Мекемтас Мырзахметұлының шығармаларымен және өмірімен танысып шығу болды.

         Негізгі бөлімде жас оқырмандарымызға– еліміздің мақтан тұтар перзенті, филология ғылымдарының докторы, профессор Мекемтас Мырзахметұлының 1930 жылы 9 мамырда қазіргі Түркістан обылысы, Түлкібас ауданы, Майтөбе ауылында дүниеге келгенін, оның тек ғана «Абай танушы», ғана емес, сонымен бірге«Бауыржан танушы» болғанын да айтып бердік.

         Ол қазақ жеріндегі топонимдер мен антропонимдердің саяси-әлеуметтік сырларын ашып, қоғамдық ой-санаға ықпал етті. Абайтану мен мұхтартанудың ғылыми негізді қарым-қатынасын зерттеді. Абай шығармаларын жаңа қырынан талдап, ондағы айтылмай келген шығыстық мәселелер мен танылмай келген ойларды, шығыстық термин сөздерді бүгінгі күн талабы тұрғысынан жаңаша қорытып, ғылыми айналымға түсірді. Сондай-ақ қазақ әдебиетінің түрлі салаларынан мамандар даярлап, отыздан астам кандидат диссертация қорғатты. Абайтанудың библиография көрсеткіштерін құрастырып (1965, 1988, 1995) алғы сөздерін жазды. “Абай” энциклопедиясы мен М.Әуезовтің 20 томдық, 50 томдық шығармалар жинағын шығаруға атсалысты.

            Өз деңгейінде жақсы өткен рухани іс-шара кезінде оқырмандар өз ойларымен бөлісіп осындай шаралардың көптеп болуын сұрады. Сонымен қатар олар өздеріне керекті кітаптарындаалып кетті.

Жанар ТӨЛЕГЕНОВА,

Жамбыл ауыл округі, Кеңесшіл ауылы,  №13 кітапханасының кітапханашысы.