ТОЛАҒАЙ ЖЕТІСТІКТЕРІМІЗ БАР

          2023-2024 оқу жылында  біздің мектебіміздің оқушылары толағай табыстар мен жетістіктерге қол жеткізді. 5-11 сынып оқушылары арасында өткізілген Республикалық жалпы пәндер олимпиадасының аудандық кезеңінде 22 оқушымыз жүлделі орындарға ие болды.

         Сол оқушылардың ішінде төрт оқушымыз жүлделі І орын иеленіп, облыстық кезеңге жолдама алды. Облыстық кезеңде физика пәні бойынша 9 «А» сынып оқушысы Жолдас Арайлым Талғатқызы ІІ орын иеленді. Пән мұғалімі Бакиров Ғалымжан. Физика пәні бойынша 10 «А» сынып оқушысы Амангелді Дінмұхаммед Ғалымжанұлы Алғыс хатпен марапатталды. Пән мұғалімі Исахов Даулетбек. Қазақ тілі мен әдебиеті пәні бойынша 6 «Ә» сынып оқушысы Тулен Саяжан Баймаханқызы Алғыс хатпен марапатталды. Пән мұғалімі Миржибаева Роза.

          Мектеп оқушылары өткен оқу жылында аудан көлемінде оқушылар арасында өткізілген түрлі байқаулар мен конкурстарға қатысып 35 оқушымыз жүлделі І,ІІ,ІІІ орындарға ие болып, Алғыс хаттармен марапатталды.Республикалық қашықтық зияткерлік олимпиадалардан 15 оқушымыз жүлделі орындарға ие болды.

         9,10,11 сынып оқушыларының ауыл мектептеріне арналған жалпы пәндер олимпиадасының облыстық кезеңінде алты оқушымыз жүлделі орындарға ие болды. Атап айтсам: химия пәні бойынша 9 «Ә» сынып оқушысы Баянышбек Айару Сапарғалиқызы І орын, пән мұғалімі Сүлеева Нышанкүл. Орыс тілі пәні бойынша 11 «Ә» сынып оқушысы Ендібай Назерке Сабитжанқызы ІІ орын, пән мұғалімі Айдынбекова Айгүл. Қазақ тілі мен әдебиеті пәні бойынша 9 «Б» сынып оқушысы Сраждин Арайлым Ерланқызы ІІІ орын, пән мұғалімі Бердібекова Балжан. Орыс тілі пәні бойынша 9 «Ә» сынып оқушысы Мырзабек Ерниет Муханұлы ІІІ орын, пән мұғалімі Батчаева Светлана. Қазақстан тарихы пәні бойынша 9 «Б» сынып оқушысы Абилда Оразкүл Жусипқызы ІІІ орын, пән мұғалімі Серікбаева Үрзия. Химия пәні бойынша 11 «Ә» сынып оқушысы Әділ Нұрсұлтан Серікұлы жүлделі ІІІ орын иеленді. Пән мұғалімі Досыбай Бақыткүл.

        Осы оқу жылында мектеп мұғалімдері де көптеген жетістіктерге жетті. Атап айтқанда: 1. Мұғалімдер арасында өткізілген аудандық ІІІ Ыбырай жазулары байқауына орыс тілі мен әдебиеті пәнінің мұғалімі Батчаева Светлана қатысып, жүлделі ІІІ орын иеленді.

2. Мұғалімдер арасында өткізілген аудандық пән олимпиадаға қатысып қазақ тілі мен әдебиеті пәні мұғалімі Пазылова Райхан ІІІ орын иеленді.

3. Мұғалімдер арасында өткізілген аудандық пән олимпиадаға қатысып орыс тілі мен әдебиеті пәні мұғалімі Ерімбетова Гүлмира ІІ орын иеленді.

4. Бастауыш сынып мұғалімдері арасында өткізілген «Алтын тұғыр» олимпиадасының аудандық кезеңінде Бұхарбаева Феруза Алғыс хатпен марапатталды.

5. Бастауыш сынып мұғалімдері арасында өткізілген аудандық «Педагогикалық идеялар фестиваліне» Бұхарбаева Феруза қатысып жүлделі ІІІ орын иеленді.

6. «Педагогикалық идеялар фестивалі» конкурсының аудандық кезеңінде биология пәнінің мұғалімі Ташимбаева Алия жүлделі ІІІ орын иеленді.

7. Республикалық «Үздік авторлық бағдарлама» сырттай байқауының аудандық кезеңіне химия пәнінің мұғалімі Сүлеева Нышанкүл қатысып ІІІ дәрежелі дипломмен марапатталды.

8. Жетісай ауданының білім бөлімінен «Ұжымдағы психологиялық ахуалдың бала дамуына әсері» тақырыбында өткізілген аудандық психологиялық семинарды жоғары деңгейде ұйымдастырғаны үшін Қосахова Айгерім Алғыс хатпен марапатталды.

9. «Ұлттық қолөнер – тәрбие бастауы» атты аудандық мұғалімдердің шығармашылық қолөнер көрмесінде Жиенбаев Серік ІІІ дәрежелі дипломмен марапатталды.

10. «Балалар мен жасөспірімдер шығармашылық орталығы» КММ-сінің ұйымдастыруымен оқушылар арасында өткізілген Әбілхан Қастеевтің 120 жылдығына орай сурет салу байқауында оқушылары жүлделі орындарға ие болғаны үшін көркем еңбек пәнінің мұғалімдері Маденов Исатай мен Аметқұлова Несібелі Алғыс хатпен марапатталды.

11. Аудандық «Педагогикалық дуэт-2024» тақырыбында жас мамандар мен тәлімгер мұғалімдер арасында өткен байқауда тарих пәнінің мұғалімдері Серікбаева Үрзия мен Жақыпова Салтанат қатысып І орын иеленді. Облыстық кезеңде «Креативті дуэт» номинациясымен марапатталды.

12. Республикалық «Мұқағали оқулары – 2024» шығармашылық байқауына дарынды шәкірт дайындап, олардың шығармашылық дамуына қосқан үлесі үшін МАДС тәрбиешісі Бигелова Еркінай Алғыс хатпен марапатталды.

13. «Жылдың үздік дефектологі» облыстық байқауының аудандық кезеңіне Толыс Ақбөпе Болатқызы қатысып, жүлделі І орын иеленді. Облыстық кезеңде Алғыс хатпен марапатталды.

14. Далалық оқу жаттығу жиынын жоғары деңгейде өткізіп, оқушыларға әскери патриоттық тәрбие беруде айтулы үлес қосқаны үшін АӘД мұғалімі Байдаулетов Басымбек Жетісай аудандық білім бөлімі мен кәсіподақ комитеті тарапынан Алғыс хатпен марапатталды.

15. Физика пәнінің мұғалімі Бакиров Ғалымжан Түркістан облысы білім басқармасы «Облыстық дарынды балаларды анықтау және қолдау орталығы» КММ тарапынан Алғыс хатпен марапатталды.

16. «География пәнінен олимпиадаға дайындаудың тиімді жолдары» тақырыбындағы аудандық семинарда озық идеялары және тәжірибесімен бөліскені үшін Маденов Мұсабек Алғыс хатпен марапатталды.

       Сонымен қатар, қазақ тілі мен әдебиеті пәнінің мұғалімі Миржибаева Розаның авторлық бағдарламасы аудан көлемінде тарқатылса, физика пәнінің мұғалімі Бакиров Ғалымжанның авторлық бағдарламасы республика көлемінде тарқатылды. Қорыта айтқанда мектебіміз 2023-2024 оқу жылын табысты аяқтады. Осы оқу жылында шәкірттеріміз бен мұғалімдерімізге бұдан да биік белестерді бағындыру үшін шығармашылық табыстар тілеймін.

Жамила КЕКИЛОВА,

«Кенесары хан атындағы №62  ЖББМ директоры .

Жетісай ауданы.