МЕН ОТАНЫММЕН МАҚТАНАМЫН

Мақсаты: 1. Балалардың отан, Қазақстан, туған жер туралы түсініктерін кеңейту. 2. Балаларды Отанды сүюге,еліміздің рәміздерін қастерлеуге, туған еліне деген сүйіспеншілігін аттыру. 3. Балаларды достыққа, адамгершілікке, саналылыққа тәрбиелеу.

Ән, би арқылы отанға деген патриоттық сезімдерін ояту.

Жүргізуші: Құрметті ұстаздар және балалар  25-қазан Республика күніне арналған «Мен отаныммен мақтанамын» атты мерекелік ертеңгілігімізді бастауға рұқсат етіңіздер. Еліміздің мемлееттік Гимн орындалсын.

Хор:Әнұран.

Жүргізуші: Көк туым көтерілді бағым жанып,

Елтаңбам күллі әлемге танылды анық.

Шырқадым әнұранды бар дауыспен,

Арманым-Ата заңым қабылданды.

Жүргізуші: Балалар арайлаған таңды сүйетін кім?
-Мен

Алтын сәулені сүйетін кім?
-Мен

Жарын даланы сүйетін кім?
-Мен

Ата-ананы сүйетін кім?
-Мен

Досын сүйетін кім?
-Мен

Болашағы елімнің кім?
-Мен

Кәне балалар Отан деген не?
-Адамның туып өскен жері, туған-туысқандары, біз тұратын атамекен.

Балалар біздің отанымыз қалай аталады?
-Біздің отанымыз Қазақстан.

Еліміздің бас қаласы қалай аталады?
-Біздің бас қаламыз Астана

Біздің Президентіміз кім?

-Қ. Тоқаев

-Еліміздің қандай рәміздерін білесіңдер?
Ту, Әнұран, Елтаңба.

-Балалар біздің елімізде көп ұлт өкілдері тұрады,кәне соларды атап айтайықшы:

-орыстар, өзбектер, қырғыздар, татарлар, немістер.

Жүргізуші: Иә балалар дұрыс айтасыңдар әр түрлі көп ұлт өкілдері бір шаңырақ астында тұрады екенбіз.

Мен кішкентай бишімін
Таңғы мөлдір тамшымын
Гүл еркінен жаралған
Әндерім бар бал шырын.

Би: «Батырлар» биі

Жүргізуші: Балалар Қазақстан туралы өлеңдер оқып, жақсы мақал-мәтелдер айту,елімізді, жерімізді мадақтау бүгін біздің еншімізде. Ендеше өнерімізді ортаға салайық.

Нұрислам:

Арыстандай айбаттым.
Жолбарыстай қайраттым,
Аспандаған байрақтың
Қанша жұлдыз жайнаттың.
Қанша бұлбұл сайраттың ,
Қазақстан ардақтым.

Хан:

 Көк туым көтерілді бағым жанып,
Елтаңбам әлемге танылды анық.
Шырқадым ән ұранды бар дауыспен,
Арманым ата заңым қабылданып.

Марғұлан:

Күнді құшқан қос қыран,
Аясында қалқыған.
Аспан түсті туым бар,
Көк теңіздей шалқыған.

Жансұлтан: Өзіңдікі туыңда,
От пен ауа, суың да.
Жаса Қазақстаным,
Белді бекем буында.

Нұрасыл:

 Жаса жаңа Астанам
Өркен жая бастаған
Болашақтың есеігін
өз қолыңмен аш маған.

Байбек:

 Бұлт баспасын күнімді
Тартылмасын өрісің
Биік ұстау туымды
Қасиетті борышым.
Дияр:

Заман жаңа заң жаңа,
Күлімдейді кең дала.
Өз Астанам өз ордам,
Сүйенерім сен ғана.

Қасым:

Сәуле шашқан алтын түсті күні бар,
Екпіндеген қыран құсты үні бар.
Ою басқан мөп-мөлдір көк аспандай,
Қазағымның желбіреген туы бар

Ән: «Отаным менің»

Медина:

Отан деген атамекен
Отан деген туған жер.
Отан ана, Отан үлкен
Қазақстан туған ел.

Балауса:

Отан дейміз от жақын жерімізді,

Отан дейміз өсірген елімізді.

Отан дейміз туған жер, атамекен,

Биік, тау, орман, тоғай, көлімізді.

Айсұлтан:

Қатар шапқан қас тұлпер,

Ай астында қазақ үй

Қалықтаған жас сұңқар,

Шарықтаған таза күй.

Қарашаңырақ ел күні

Асқақтатып тұр мұны

Інжу:

Біз отанның гүліміз,

Туған жердің нұрымыз.

Тәуелсіз біздің еліміз,

Қазақстан бай жеріміз

Хафиз:

Отан асыл анамыз

Ана сүтін ақтаймыз

Есейгенде ел болып,

Елді жаудан сақтаймыз.

 

Ерсұлтан:

Нұрына шомылдырып алтын күннің

Республикам ертеңге талпындырдың.

Өзіңнен шабыт алып ақын қиял,

Шалқытып кең далада шалқып жүрмін.

Аяла:

Егемен елім десем сенім кіріп,

Бойымды билеа кетер сенімділік.

Ешкімге ауыстырмас алтын Отан,

Жырлаймын қасиетіңді төгілдіріп.

Адия:

Республикам жасай баратар

Таңың бақ сыйлап.

Тәуелсіз ел жасай бер,

Қуанышты күй сыйлап.

М: Айсұлтан

Республика күні бұл,

Мерекеміз мерейлі.

Тақпақ айтып жаттаймыз,

Тақылдатып көмейді.

Дидар:

Республика күнімен,

Ән айтамыз, билейміз.

Қайғы жұтып алаңдап,

Мұңайюды білмейміз.

 

Оркестр: Будашкиннің «Концерт» күйіне

Айқын:

Балалармыз бақытты

Мерекені тойлайтын

Республика күнінде

Бар жақсыны ойлайтын.

 

Даяна:

Республика күні бұл,

Шаттығымды көбейтер

Қазағымның үні бұл

Тынысымды кеңейтер

Нұрәли:

Жарқырап жанған күндей азаттығы

Көрінер ұлтымның да ғажаптығы

Республика күніменен құттықтаймын

Өйткені ол – ұлт күні, Қазақ күні

Назгүл:

Республика ғажабым

Артсын даңқың, ажарың.

Қазақ елі жанданып,

Таусылмасын базарың.

 

Ибраһим:

Сен деп соғады жүрегім,

Республика күні бұл.

Құтты болсын гүл елім,

Көңілімнің нұрысың.

Сүйкім:

Республикам сен менің,

Көңілге нұр сыйлайтын.

Өзің барда биіктеп.

Көтерілер еңсем мын

 

Мариям:

Республикам сен барда

Түспес менің көңілім

Тәуелсіз ел айбыным

Шуақ берер өмірім.

 

Айару:

Республикам сен барда,

Жақсы көріп сүйетін.

Республикам жаным бұл

Шуақ берер шырайлы.

 

 Д.Айсұлтан:

Соғып тұрған жүрегім,

Республикам киелім,

Соғып тұрар жүрегім

Республикам жасай бер,

Мықты болып жүрегім

Қ. Айсұлтан:

Республикам өзіңсің.

Сыйлар бізге гүл бағын

Бір өзіңе арналар

Таусылмайтын жырларым.

 

Аяла:

Республикам әнімсің

Жүрегімде тербелер.

Ел жоқ шығар өзіңе

Республикам тең келер.

Хор: «Қаазақстан отаным»

Жүргізуші:Қазақстан жалауы.
Қазақпын, мен қазақтың бөлшегімін,
Қажетіне өзгенің өлшемінің.
Айбарлы елдің ұлымын, айтаңбалы.
Кейіпкері емеспін ертегінің.

Жүргізуші: Қазақ халқының мұраларының бірі – халық ауыз әдебиеті .
Ал халық ауыз әдебиетіндегі жол- ол даналар мәйегі. Олай болса балалар қазақтың қандай билерін білесіңдер?
«Сөз бастаған шешендер» атты көрніс тамашалайық..
Төле би: Бір бала әкесінен өтіп туады,
Бір бала әкесіне жетіп туады,
Бір бала кері кетіп туады.

Қазбек би: Біз мал баққан елміз, ешкімге соқтықпай жай жатқан елміз, басымыздан сөз асырмаған елміз.

Әйтеке би: Бай болсаң халқыңа пайдаң тисін,
Батыр болсаң,жауыңа найзаң тисін.

Жүргізуші:Даналық сөздеріңізге рахмет.

Би: Флешмоб «Жаса Қазақстан»

Сөз кезегін балабақша меңгерушісі: Б.Б. Бесбаеваға береміз.

Жүргізуші Байтақ дала жерім менің
Арта берсін даңқың сенің
Көк байрағың желбіресін
Егеменді елім менің – дей отырып,
Құрметті қонақтар, балалар осымен Республика күніне арналған
«Мен отаныммен мақтанамын» атты мерекелік ертеңгілігіміз аяқталды.

Усенова Нагима Жакиповна,

МКҚК «Наурыз» бөбекжай бақшасының музыка жетекшісі.