ЫНТЫМАҒЫ ЖАРАСҚАН ИНФОРМАТИКА-ФИЗИКА БІРЛЕСТІГІ

              Бірлестік – жеке адамның емес, ортақ күштің нәтижесі. Ұстаздар қауымы бірлесіп, оқушылардың жеке ерекшеліктерін ескере отырып, оларға білім мен тәрбие береді. Мұғалімдердің ынтымақтастығы ортақ мақсатқа жетудегі ұжымдық күш-жігері олардың кәсіби жетістіктеріне жол ашады. Ортақ мақсатқа, идеяларға және құндылықтарға негізделген адамдар тобы бірлестікті құрайды. Педагогтар арасында бірлестік құру, білім беру саласындағы тәжірибе мен білімді бөлісу, инновациялық әдістерді енгізу, сондай-ақ кәсіби даму мен қолдау көрсету үшін маңызды.

          Бірлестік беделі – бұл мұғалімдердің өз жұмысына деген жауапкершілігі, олардың білім беру процесіндегі рөлі мен кәсіби деңгейінің көрсеткіші.

         Педагогикалық бірлестіктің білім алмасу, кәсіби даму, инновацияларды енгізу, жобалар мен іс-шаралар ұйымдастыру, қолдау көрсету негізгі мақсаттары ретінде жүзеге асырылып келеді.

          Осы мақсаттарды ұстанған № 10 «Қайнар» мектеп-гимназия» коммуналдық мемлекеттік мекемесінің физика-информатика бірлестігі «Бірлік бар жерде, тірлік бар» деген ұранмен жұмыс жасап, «Бір жеңнен қол, бір жағадан бас шығарып» 2024-2025 оқу жылының І жартыжылдығында  біршама жетістіктерге қол жеткізді. Айтап айтар болсақ:

1. «Педагогикалық идеялар -2024» ұстаздар арасындағы сайыстың аудандық кезеңінде физика пәнінің мұғалімі Алимханова А. 2-орын иеленсе, информатика пәнінің мұғалімі Алимбеков Бекболат олыстық кезеңінде  жүлделі 1-орынды иеленіп, республикалық кезеңге жолдама алды.

2. 7-8-сынып оқушыларына арналған Республикалық пән олимпиадасының аудандық кезеңінде физика пәнінен 1-орын, информатика пәнінен 2-орындарды иеленді.

3. «ALTYN QURAN – ЕРЕКШЕ ДАРЫН ИЕСІ» зияткерлік олимпиадасында 2-11-сыныптар аралығында информатика және физика пәндерінен бас жүлде 5 оқушы, 1-орын 8 оқушы, 2-орын 14 оқушы, 3-орын 20 оқушы жүлделі орындарды иеленді.

4. 2-7-сынып оқушылары арасында «Зерде» республикалық ғылыми-зерттеу жобалары мен шығармашылық жұмыстардың конкурсында информатика және физика пәндерінен 2 оқушы 2-орын иеленді.

5. Командалық «KazRobSport» робототехника республика чемпионаты сайысының аудандық кезеңінде 1-орын иеленді.

6. «Ақбота» зияткерлік олимпиадасында физика-информатика пәндері бойынша 25 оқушы 1,2,3 жүлделі орындарды иеленіп, ұстаздардың мерейін арттырды.

         Ұстаздық жолында әрбір мұғалім өздерінің жетістіктерін, оқушылардың жетістіктерімен бірге саралап, бірігіп жұмыс істей білсе, білім саласындағы барлық қиындықтарды жеңіп шыға алады деп сенеміз.

        Ұстаздар қауымына ұрпақ тәрбиелеу жолындағы толымды еңбектеріңізге толағай табыстар мен ел еңсесін тік көтертер тұлға болар шәкірттерді тәрбиелеуде талмас қанат, қажырлы еңбек тілеймін.

Бектибаева Зульфия Елтияровна,

Директордың оқу жұмысы жөніндегі орынбасары.