МАМАНДЫҒЫМ-БОЛАШАҒЫМ

           «Қ.Дәрімбаев атындағы жалпы білім беретін мектеп» коммуналдық мемлекеттік мекемесінде, «Біртұтас тәрбие бағдарламасы» аясында мен музыка пәнінің мұғалімі Б.Әбдуевпен біргелікте «Мамандығым-болашағым» тақырыбында 9-10-11 сынып оқуышыларымен өз саласында айтулы жетістіктерге жеткен азаматтардың кездесу кешін өткізіп, мектебіміздің республикаға танымал түлектерінің суреттері слайд арқылы көрсетіліп, оқушыларға таныстырылды.

           Мақсаты: жоғары сынып оқушыларына мамандық таңдау, олардың әдістері туралы білімдерін, түсініктерін кеңейте отырып, мамандықтарға деген ынта-ықыласын, қызығушылықтарын арттыру болған бұл кездесу кешімізге – зейнеткер, ардагер ұстаз – Қ.Ибраев, Жетісай аудандық полиция қызметкері мектеп инспекторы – Н.Сманов, «Достық» ауылы дәрігерлік пунктінің фельшері – Н.Шахизадалар қонақ болып келді.

        Оқушыларымыздың болашағы үшін маңызы ерекше осы іс-шараны мектебіміздің директоры А.Агайдарова ашып беріп, өз сөзінде мектебіміздің мақтан тұтар түлектері туралы қысқаша айтып, оқушыларға болашақ мамандықтарын сәтті таңдауларына кеңес берді.

         Кездесуіміздің қонақтары оқушыларымызға – мамандық таңдаудың жауапты, маңызды қадам екендігін, адамның еңбекке, зейінді, қабілетті болуы, дұрыс таңдаған мамандық адамды жетістікке жеткізетінін айтып, «Әрбір адамның болашағы таңдаған мамандықтарына байланысты. Сол себепті маман­дық таңдау оңай емес. «Түйір нан – тамшы тер» демекші, жақсы маман иесі болу үшін көп ізденіп, оқу, білім алу керек. Ең бастысы мамандыққа деген сүйіспеншілік қажет. «Сен де бір кірпіш дүниеге, кетігін тап та бар қалан», – деп Абай Құнанбаев атамыз айтып кеткендей, кез келген адам өмірден өз орнын табуға тырысады, еңбектенеді, оқиды. Әсіресе, белгілі бір мамандықты игеріп шығу ең маңыз­ды қадамдардың бірі. Әрбір адам ас­қақ арманға, биік мақсатқа ұмтылады. Жақсы маман болу үшін ең алдымен өзің таңдаған мамандықты сүйіп қана қоймай, сол мамандықтың қыры мен сырын жете меңгерулерің керек. Сонда ғана өздерің таңдаған мамандықтың қаншалықты құнды әрі маңызды екенін түсінулеріңіз керек»-деп бұл мәселеде қателеспеуге кеңес беріп, өздерінің өмірлік тәжірибелерімен бөлісті.

         Сондай-ақ, кездесу барысында осы мектептің танымал түлектері – ҚР Шекара әскерлерінің запастағы подполковнигі Тамара Дәулетбаева, танымал ғалым, бірнеше ғылыми еңбектердің авторы, әлемнің айтулы университеттерінде баяндамалар оқыған Нұрлыбек Жұматаев, Төлеби аудандық ауруханасының дәрігері Бекжан Мұсалар тарапынан дайындалған шағын бейнероликтерде олар өздерінің мамандықтары туралы қысқаша баяндап, оқушыларға болашақта таңдаған мамандықтарының кәсіби мамандары болуға кеңес берді.

            Оқушыларымыз қонақтарымызға мамандықтарға қатысты өздерін қызықтырған сұрақтарын еркін қойып,  еркін форматта  қызықты өткен іс-шарамызды мектеп директорының тәрбие жөніндегі орынбасары Г.Даулетбаева апай қорытындылап, қонақтарымызға алғыс айтып, оқушыларға аға буыннан үлгі алуға шақырды.

Ж.ТУТКАБЕКОВА,

«Қ.Дәрімбаев атындағы жалпы білім беретін мектептің» кәсіптік бағдар беруші педагогы.