ЕҢБЕКТІ ҚОРҒАУ ЖӨНІНДЕГІ ТЕХНИКАЛЫҚ ИНСПЕКТОРДЫҢ ЖҰМЫС ТӘЖІРИБЕСІ

         Еңбек қауіпсіздігі және еңбекті қорғау Шалқар ауданы № 5 мектеп-лицейі  қызметкерлерінің еңбек жағдайлары мен еңбекті қорғау жағдайын жақсартуға, өндірістік жарақаттану мен кәсіптік аурулардың деңгейін төмендетуге ықпал ететін жұмыстың негізгі бағыттарының бірі болып табылады.

         Қызметкерлердің лайықты еңбегі үшін жағдай жасау, адами капиталды сақтау мақсатында №5 мектеп-лицейінде еңбекті қорғау жөніндегі келісім әзірленіп, бекітілді, құрамына техникалық инспектор ретінде мен де кіретін өндірістік кеңес сайланды және жұмыс істейді.

          Соңғы үш жылда мен техникалық инспектор ретінде жұмыс орнымда еңбекті қорғау талаптарын сақтау бойынша бақылау жүргіздім. Кәсіподақ комитетінің отырыстарына қатысып, мектептегі еңбек қауіпсіздігі және еңбекті қорғау бойынша баяндама оқыдым. Техникалық инспектор ретінде семинарларға қатыстым. Үш жыл ішінде мектепте екі жақты ұжымдық шарт жұмыс істейді, онда Тараптар қолайлы еңбек жағдайларын жасау бойынша міндеттемелер мен жауапкершілікті көздеді.

Соңғы үш жылда:

– 150 қызметкерге оқыту және нұсқау жүргізілді;

– техникалық инспекторларға Білім және ғылым қызметкерлерінің Қазақстандық салалық кәсіподағы әзірлеген Еңбек қауіпсіздігі және еңбекті қорғау жөніндегі материалдар ұсынылды;

– мектеп қызметкерлерінің міндетті медициналық тексеруден өтуіне жұмыс берушінің қаражатынан 487 мың теңге бөлінді;

– кәсіподақ ұйымы кәсіподақ мүшелері үшін дене шынықтыру-сауықтыру іс-шараларын (спартакиадалар, түрлі турнирлер) өткізеді, оған 70-тен 80 адамға дейін қатысады;

             Салауатты және қауіпсіз еңбек жағдайларын қамтамасыз ету мақсатында мекемедегі әрбір жұмыс орнында мынадай жұмыстар жүргізіледі:

– ғимараттың, жабдықтың, аумақтың жай-күйін техникалық тексеруді, сынауды, куәландыруды ұйымдастыру;

– қызметкерлерді қажетті қорғау құралдарымен қамтамасыз ету, материалдық-техникалық қамтамасыз ету;

– қызметкерлердің міндетті алдын ала және мерзімді медициналық тексерулерін ұйымдастыру;

– еңбекті қорғау мәселелері бойынша білімді тексеруді ұйымдастыру;

–еңбек жағдайлары бойынша жұмыс орындарын  аттестаттауды, еңбек жағдайларының санитарлық-техникалық жай-күйін паспорттауды және еңбекті қорғауды ұйымдастыру;

– қауіпсіз еңбек әдістері мен тәсілдерінің озық тәжірибесін насихаттау және енгізу, қызметкерлермен ынтымақтастықта болу.

         Мекемедегі қызметкерлерге салауатты және қауіпсіз еңбек жағдайларын жасауды мерзімді бақылауды кәсіподақ комитеті техникалық инспектормен бірлесіп жүзеге асырады. Сонымен қатар, педагог қызметкерлердің, техникалық және қызмет көрсетуші персоналдың еңбекті қорғау мәселелері бойынша білімдерін тексеру жөніндегі комиссия құрылды.

         Мектеп қызметкерлері  еңбек жағдайлары, өндірістік жарақаттану, апаттылық, кәсіптік сырқаттанушылық туралы жүйелі түрде хабардар етіледі. Еңбекті қорғау бойынша көрнекі үгіт жүргізілуде, ол «Еңбекті қорғау» стендінде, «Өрт қауіпсіздігі» ақпараттық стендінде; мектеп сайтының басты бетінде «Еңбекті қорғау» бөлімінде ұсынылған. Өрт және ТЖ жағдайында қызметкерлер мен білім алушылардың іс-әрекеттері жылына екі рет пысықталады.

        Тоқсанына бір рет директор жанындағы кеңесте мектеп директорының  шаруашылық жөніндегі орынбасарының еңбек қауіпсіздігінің алдын алу шаралары бойынша жүргізілген  жұмысы туралы есебі тыңдалып,талқыланып отырылады.

         Техникалық еңбек инспекторының жүйелі  жұмысының  басты көрсеткіштерінің бірі- мектепте кәсіптік аурулар мен жұмыс орындарындағы жазатайым оқиғалар орын алмауы. Әрине, бұл тек техникалық инспектордың еңбегі ғана емес, мектеп басшылығымен, кәсіподақ комитетімен – ұжымдық шартқа қол қойған Тараптармен жемісті ынтымақтастық еңбек нәтижесі.

Мақсат ТАЛМАҒАНБЕТҰЛЫ,

Ақтөбе облысы,  Шалқар ауданы.

№5 мектеп-лицейінің техникалық  еңбек инспекторы.