ШӘКІРТТЕРІМІЗ ТАЛАЙ БАЙҚАУДА ТОП ЖАРЫП ЖҮР!

         2024 жыл біздің «Дінмұхамед Қонаев атындағы №9 IT мектеп-лицейі» коммуналдық мемлекетік мекемесі үшін ірі табыстарға толы жыл болды десек қателеспейміз.   

        2024 жылдың 21-22 қазан күндері қазақ тілі мен әдебиеті пәні мұғалімі Дәулетова Салтанат Нұртазақызының жетекшілігімен 11 «Г» сыныбының оқушысы Курушбек Балнұр Қайратқызы Алматы облысы, Жамбыл ауданы, Ұзынағаш ауылында болып өткен «Жыр алыбы – Жамбыл» атты республикалық кезеңінде ерекше дарынымен облысымыздың намысын қорғап «Тақырыптық айтыс» номинациясы бойынша арнайы Алғыс хатпен марапатталды.

       Сондай-ақ, Ресейдің Якутия қаласында өткен «Дети Азии» VIII спорттық ойынында жасөспірімдер арасында біздің мектеп-лицейдің 11-сынып оқушысы Мұхтар Нұрасыл (жаттықтырушысы Кияшев Мирлан) волейболдан Қазақстан құрамасында  ерекше  спорттық шеберлікпен ойнап,  қола жүлде иеленді. Ол осылайша өз қабілетінің арқасында білім ордамыздың абыройын асқақтатты.

        Қостанай қаласында жалпы білім беретін пәндер бойынша 9-11 сынып оқушыларына арналған республикалық олимпиадада 10 сыныпта оқитын оқушымыз Айтуғанова Жанель Мадиқызы (Жетекшісі Құрманбекова Жансұлу Акимхановна) жүлделі ІІІ-ші орынды иеленді.

        Робототехника саласы бойынша Түркістан қаласында өткен «KazRoboSport» робототехника республикалық чемпионатының облыстық іріктеу кезеңінде, мектеп-лицейіміздің оқушылары 20 команданың ішінде топ жарып, жүлделі ІІ орынды жеңіп алды.

         Қазақтың даңқты үш биі –Төле бидің 360 жылдығы, Қазыбек бидің 355 жылдығы және Әйтеке бидің 340 жылдығына арналған 7-10 сынып оқушылары арасындағы «Дала данышпандары» тақырыбындағы «Сыр шерткен бізге көнеден, Ұрпаққа үлгі өнегең» атты республикалық  байқауда 10 «Ә» сынып оқушысы Анарбаева Аяжан Олжабайқызы (жетекшісі Гүлжаухар Жораева)  жүлделі І орын иеленіп, көпшілкті өз өнерімен тәнті етті.

       Спорттың волейбол түрінен 2024 жылдың 01-09 желтоқсан аралығында Павлодар қаласында өткен Қазақстан Республикасының Тәуелсіздік күніне орайластырылған 2011-2012 жылдары туылған ұлдар арасындағы республикалық турнирде Түркістан құрамасында, біздің мектептің 8 сынып оқушысы Тайырхан Нұртай қатысып, командасымен  ІІ орын иеленді.

Мединаев Данияр Аманович,

Д.Қонаев атындағы №9 IT мектеп-лицейі директорының

 тәрбие ісі жөніндегі орынбасары.

Жетісай қаласы. Түркістан облысы.