ЗАМАНАУИ СҰРАНЫСҚА ИЕ МАМАНДЫҚТАР

       Президентіміз Қасым-Жомарт Тоқаев 2025 жылды «Жұмысшы мамандықтары жылы» деп жариялаған болатын. Сол себепті де біздің №37 Еңбек жалпы білім беру мекемесінде тұрақты түрде  9-10-11 сынып оқушыларының арасында кәсіптік білім беру мен техникалық мамандықтардың тиімді тұстарына қатысты жиындар жиі өткізілуде. Бұл жиындарда жоғары сынып оқушылары мен бүгінде өз кәсібінің шеберлері атанған жергілікті азаматтар жолығып, шәкірттеріміз олардан өздеріне қажетті құнды ақпараттар алуда.

         Мемлекет басшысы өзінің сол Жарлығында: «2025 жыл Жұмысшы мамандықтарының жылы деп жариялансын! Қазақстан Республикасының Үкіметі Жұмысшы мамандықтарының жылын өткізу бойынша қажетті шараларды қабылдасын. Осы Жарлықтың орындалуын бақылау Қазақстан Республикасы Президентінің Әкімшілігіне жүктелсін», – дей отырып және де онда: «Біз жұмысшы мамандықтарын дәріптеу арқылы қоғамда еңбекқор және нағыз маман болу идеясын насихаттаймыз! Адал әрі табанды еңбегімен табысқа жеткен адамдар қашанда құрметті, сыйлы болуы керек. Бір сөзбен айтқанда, біздің қоғамда еңбекқорлық, кәсібилік сияқты қасиеттер өте жоғары бағалануға тиіс. Өз кәсібін жетік меңгерген мамандар ұлт сапасын арттырады. Жұмыстың жаманы жоқ, кез келген еңбек – қадірлі!», – екендігі айтылған болатын.

          Жоғары сыныптардың оқушыларымен кездесулер барысында мен, «Ал еңбек адамы деген кім? Еңбек адамы дегеніміз, ең алдымен, таза жұмыс істейтін адам! Өзінің табысын маңдай терімен табатын, жанын салып жұмыс істейтін адам – еңбек адамы! Маңдай терін салып жұмыс істеген әрбір адам – қадірлі! Білікті мамандықтар біліктілік жүйесімен тікелей байланысты»- дей отырып, оқушыларыма мұндай мамандықтардың маңызын түсіндіруг тырысамын.

          Сонымен қатар,  сабақ барысында  мен Үкіметіміздің биылғы жылы мына жайттарға: Еңбек нарығының қажеттіліктерін ескере отырып, кәсіптік стандарттар мен білім беру бағдарламаларын жетілдіру; Біліктілікті бағалау және тану тетіктерін әзірлеу, мамандардың заманауи талаптарға сай болуын қамтамасыз ету; Білім беру мен өндірістің байланысын нығайту, тәжірибеге бағытталған оқыту мен тәлімгерлікті енгізу; Жұмысшы мамандықтар орындарының беделін арттыру және мамандардың кәсіптік өсуіне жағдай жасауға ерекше назар аударып жатқанын айтудамын. Себебі, жұмысшы мамандықтар орындарын дамыту – ел болашағына, оның технологиялық және экономикалық дамуына салынған инвестиция болып табылады.

         Осындай іс-шаралар, қарапайым да бірақ қажетті мамандықтардың құзыреттілігін тиімді пайдалануға мүмкіндік беретін тиімді әдістер деп ойлаймын.

Аппазова Дүйсенкүл Алипбековна,

№37 Еңбек ЖББМ КММ кәсіби бағдар беруші.

Жетісай ауданы.