ТАЗА ҚАЗАҚСТАН – ЖАРҚЫН БОЛАШАҚ!

     «Таза Қазақстан» акциясы аясында жаратылыстану сабағын тиімді өткізу үшін оқушыларға экологиялық тәрбиені насихаттай отырып, оларды табиғатты қорғауға, қоршаған ортаны таза ұстауға үйрету қажет. Сол үшін  «Таза Қазақстан – жарқын болашақ» деген тақырыпта сабақ өттім.

        Сабақтың мақсаты – оқушылардың экологиялық сауаттылығын арттыру, табиғатқа деген сүйіспеншілігін қалыптастыру және практикалық дағдыларын дамыту. Оқушыларға қоршаған ортаны қорғау маңыздылығын түсіндіру; Экологиялық мәселелер мен оларды шешу жолдарын талқылау; Табиғатты қорғауға арналған практикалық іс-әрекеттер жасау.

1. Кіріспе бөлім (10 минут)

      Мұғалім «Таза Қазақстан» акциясы туралы қысқаша мағлұмат береді.

      Президент Қасым-Жомарт Тоқаевтың экология және қоршаған ортаны қорғау туралы айтқан сөздерін талқылау.

       Оқушылармен қоршаған ортаның ластану себептері туралы әңгіме жүргізу.

2. Негізгі бөлім (25 минут)

       Бейнеролик немесе презентация: Табиғаттағы экологиялық мәселелер туралы ақпарат.

       Топтық жұмыс: Оқушыларды бірнеше топқа бөліп, әр топқа белгілі бір мәселе (пластик қалдықтар, ауаның ластануы, су ресурстарын қорғау) бойынша шешімдер табу тапсырмасыберіледі.

          Тәжірибелік бөлім:

          Оқушылар мектеп ауласында қоқыс жинау немесе ағаш отырғызу жұмыстарын ұйымдастырады. Экологиялық тақырыптағы плакаттар жасау (мысалы, «Табиғатты қорғау – өзімізді қорғау!»

3. Қорытынды бөлім (10 минут)

       Оқушылар өз жобаларын таныстырады және қорытынды ойларымен бөліседі.

        Экологиялық тазалықты сақтау бойынша өз уәделерін жазады немесе айтады.

        Қорытынды:

        Бұл сабақ оқушылардың экологиялық санасын қалыптастыруға, табиғатты аялауға баулуға, сондай-ақ «Таза Қазақстан» акциясына белсенді атсалысуға мүмкіндік береді.

       Ұсыныстар:

1. Мектепке дейінгі және бастауыш сыныптарда экологиялық білім беруді жүйелі түрде енгізу.

2. Балаларға табиғатты қорғау дағдыларын дамыту үшін тәжірибелік сабақтар мен шығармашылық іс-шаралар ұйымдастыру.

3. Экологиялық ойындар мен жобалар арқылы балалардың табиғатқа деген қызығушылығын арттыру.

4. Ата-аналар мен мұғалімдердің бірлескен жұмысын күшейту.

Касимова Эльмира Абдимауленқызы,

 Кенесары хан атындағы №62 ЖББМ КММ бастауыш сынып мұғалімі.

Жетісай ауданы.