САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
Сыбайлас жемқорлық – мемлекеттік міндеттерді атқаратын адамдардың сондай-ақ, оларға теңестірілген қызметкерлердің лаузымдық өкілеттерін және оған сәйкес мүмкіндіктерін пайдалана отырып мүліктік пайда алу, жеке өзі немесе делдалдар арқылы заңда көзделмеген мүліктік игіліктермен артықшылтарды алу. Бұл адамдардың және заңды тұлғалардың аталған игіліктермен артықшылықтарды құқыққа қарсы бару арқылы сатып алуы, яғни қызмет бабын пайдаланып, заңға қарсы әрекет жасау.
Сыбайлас жемқорлықтың көріністерін тек парақорлыққа әкеп тіреу дұрыс болмас еді. Белгілі бір лауазымды адамдардың өзі қызмет бабын асыра пайдалана отырып, теріс іс әрекеттерге баратын болса, мемлекеттік билікке көленке түсіреді және заң алдында жауап береді.
Бүгінде сыбайлас жемқорлыққа қарсы күрес кез-келген қоғам мен мемлекет үшін ерекше мәселе. Себебі, бұл қауіпті құбылыс тұтастай алғанда ұлттық қауіпсіздікке қатер төндіреді. Қылмыстың бұл түрінің құйтыртқасы да тұрпаты да бөлек. Жеке адамдар мұндай келеңсіз жағдайға тап келсе, ең әуелі сенімін жоғалтады.
Сондықтан қоғам үшін жемқорлық әр уақтытта да қатерлі індет болып саналады, ал оны жою – барша адам үшін міндет, сонда ғана келеңсіздіктерді жоюға болады.
Қазір пара алушылар ғана емес, сонымен бірге пара берушілер де жазаланатынын ұмытпау қажет. Әрдайым қызмет бабында теріс әрекеттер жасайтын адамдардың жең ұшымен қол жалғастырып заңсыз пайда табуға заңды айналып өту үшін пара беретіндердің әрекеттері де көрінбей қалмайды. Сол үшін уақыты келгенде заң алдында жауап береді. Соны естен шығармау керек.
Ғ.ЖУМАДИЛОВ,
Мақтаарал ауданының Төтенше жағдайлар бөлімінің бастығы, м.у.а азаматтық қорғау подполковнигі,
