Deprecated: Function is_staging_site is deprecated since version 3.3.0! Use in_safe_mode instead. in /var/www/vhosts/sayipqiran.kz/httpdocs/wp-includes/functions.php on line 6031
АҚШ Қоршаған ортаны қорғау агенттігі Орталық Азия елдерінің ауа сапасын бақылауды нығайтудағы ынтымақтастығын қолдайды - САЙЫПҚЫРАН.KZ Ақпаратты-сараптамалық порталы
Home » Әлеумет » АҚШ Қоршаған ортаны қорғау агенттігі Орталық Азия елдерінің ауа сапасын бақылауды нығайтудағы ынтымақтастығын қолдайды

АҚШ Қоршаған ортаны қорғау агенттігі Орталық Азия елдерінің ауа сапасын бақылауды нығайтудағы ынтымақтастығын қолдайды

2020 жыл 4 желтоқсан.
 2020 жылғы 2-3 желтоқсан аралығында АҚШ-тың Қоршаған ортаны қорғау агенттігі – Нұр-Сұлтан және Бішкек қалаларындағы АҚШ Елшіліктерінің қолдауымен C5+1 елдері, яғни Қазақстан, Қырғыз Республикасы, Тәжікстан, Түрікменстан және АҚШ өкілдерінің қатысуымен ауа сапасын бақылау желілерін дамыту бойынша өңірлік семинар өткізді. Виртуалды семинарға гидрометеорология және ауа сапасын бақылау қызметтерінің өкілдері қатысты.
Америка Құрама Штаттары қоршаған ортаны қорғау және ауа сапасын басқару саясатын әзірлеуде Орталық Азия елдерінің үкіметтерімен серіктестікке әрқашан берік. АҚШ-тың Орталық Азиядағы Елшіліктері 2019 жылдан бастап нақты уақыт режимінде ауа сапасы туралы деректерді бақылап, жариялап келеді. 2019 жылғы қазанда Бішкектегі АҚШ елшілігінің эталондық ауа сапасын бақылау мониторы Қырғыз Республикасының ресми өлшеу құралдарының мемлекеттік тізіміне ресми түрде қосылды.
Екі күндік семинар барысында АҚШ-тың ауа сапасы жөніндегі сарапшылары Орталық Азиядағы ауа сапасын бақылау желілерін құру саласындағы тәжірибелерімен бөлісті. Қатысушылар қалалық ортада ауа сапасын бақылау бойынша нақты мысалдармен жұмыс істеді.
2020 жылдың тамызында АҚШ-тың Қоршаған ортаны қорғау агенттігі, Нұр-Сұлтандағы АҚШ елшілігі және Алыс қашықтықтағы трансшекаралық ауаның ластануы туралы Конвенцияның Хатшылығы бес күндік семинар өткізді. Онда ауа сапасын бақылау, оның ішінде ластаушы заттардың шығарылуын, денсаулыққа тигізетін әсері мен ауа сапасы туралы ақпарат тарату стратегиялары тәрізді ауқымды мәселелер қарастырылды. Қос семинар Орталық Азиядағы ауа сапасын басқару бойынша өңірлік әріптестік пен үкіметаралық ынтымақтастықты нығайтуды мақсат етеді.
Соңғы бес жыл ішінде АҚШ үкіметі Орталық Азиядағы ауа сапасын қамтамасыз ету жобаларына шамамен 750000 доллар грант бөлді. 2020 жылдың қыркүйегінде АҚШ Мемлекеттік департаменті Қырғызстан мен Қазақстандағы ауа сапасын бақылау желілерін нығайту мақсатында MoveGreen атты жастар экологиялық ұйымына 300000 доллар көлемінде грант бөлді. Үш жылдық жоба ҚырғызГидроМет, ҚазГидроМет, БҰҰ Қоршаған орта жөніндегі бағдарламасы (UNEP) және Бішкек пен Нұр-Сұлтандағы АҚШ Елшіліктерімен бірлестікте жүзеге асырылмақ.

About Қалмұрат

Журналистика саласына кездейсоқ келіп қалсам да бұл салаға қызығушылығым оянғандықтан журналистикада жүргеніме 20 жыл болды. Алғашқы еңбек жолымды "Керуенбасы" газетінде корректорлықтан бастадым. Содан бері баспа журналистиканың барлық саласынан өттім. 2 рет газет шығарушы баспагер де болдым. Осы сайтымнан Сіздер өздеріңізге қажетті ақпараттар аласыздар деген ойдамын. Сіздер біздің жаңалықтарымызды: https://www.facebook.com/me/ https://twitter.com/KalmuratD www.sayipqiran.kz%2F%3Fp%3D8202 https://www.instagram.com/saipkiran.kz/ https://t.me/sayipkir арқылы да біле аласыздар.

Leave a Reply

Your email address will not be published. Required fields are marked *

*

x

Check Also

ТҰЛҒА ТӘРБИЕЛЕГЕН ҰСТАЗ

        ...

ПЕДАГОГТАР ӘУЛЕТІ

        ...

ЦИФРЛЫҚ ӘЛЕМДЕГІ ЗАМАНАЛЫҚ БІЛІМ БЕРУ

        ...

PEOPLE AND PLACES, SHOPS

Learning objectives(s) that this ...

САЛТ-ДӘСТҮР ЖӘНЕ ТӘРБИЕ

Оқу бағдарламасына сәйкес оқыту ...

НАУРЫЗЫМ МЕРЕКЕМ, НАУРЫЗЫМ БЕРЕКЕМ!

       Біздің ...

САНСЫЗБАЙ САРҒАСҚАЕВТЫҢ «ТӘМПІШ ҚАРА» ШЫҒАРМАСЫ КЕЙІПКЕРЛЕРІ

      Оқу ...

ОТКРЫТЫЙ УРОК НА ТЕМУ «НАРЕЧИЕ. СТЕПЕНИ СРАВНЕНИЯ НАРЕЧИЙ» В 7 КЛАССЕ С ИСПОЛЬЗОВАНИЕМ СОВРЕМЕННЫХ ОБРАЗОВАТЕЛЬНЫХ РЕСУРСОВ

        ...

НАУРЫЗ МЕЙРАМЫ – КӨКТЕМ МЕН ЖАҢАРУ МЕРЕКЕСІ!

       Ұлттық ...

ӘЗ-НАУРЫЗ — ЖАҢА КҮННІҢ ЖАРШЫСЫ

        ...