САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
«Nur Otan» партиясынан аудандық мәслихат депутаттығына үміткер Қалдыбаев Марат, Ділдәбеков Марат, Сұлтанмұрат Айбек және Саржанова Гүлмира Жетісай қаласында орналасқан «Күлбала» спорт кешенінде ауданымыздағы спортшылармен кездесті. Кездесу барысында партиямыздың сайлауалды бағдарламасымен таныстырып, партиямыз әрдайым спортты қолдап, бұқаралық спортты дамытуға жағдай жасайтының жеткізді.
Партия алдағы бес жылға арналған жоспарын ұлт денсаулығын нығайтуға, халықты бұқаралық спортпен айналысуға бағыттайтын болады.
«Nur Otan» партиясы 2025 жылы ауданда халықтың спорт инфрақұрылымымен қамтамасыз етілу деңгейін 42%-ға жеткізуді көздейді. Ол үшін:
2021 жылы Ынтымақ ауылдық округі, Өркенді ауылынан стадионға қайта құру жұмыстарын жүргізуге; 2022 жылы Жылысу ауылдық округі, Байқоныс ауылынан заманауи спорт залын салуға; 2023 жылы Қазыбек би ауылдық округі, Қазыбек би ауылынан спорт алаңын салуға; 2024 жылы Жаңа ауыл ауылынан спорт кешенін салуға; 2025 жылы Жетісай қаласынан талапқа сай спорт кешенін салуға; ұлттық спортты дамытуға (көкпар ойындары, қазақша күрес, тоғызқұмалақ, еркін күрес, дзюдо және т.б.) ықпал етеді.
Нәтижесінде 2025 жылға дейін ауданда халықтың спорт инфрақұрылымымен қамтамасыз етілу деңгейі 42%-ға жетеді.
