ӘЛЕМДІК ҚҰНДЫЛЫҚТАРМЕН ҮНДЕСТІРУІМІЗ ҚАЖЕТ

ҚР Тұңғыш Президенті – Елбасымыз Н.Ә. Назарбаевтың  «Болашаққа бағдар: рухани жаңғыру» атты бағдарламалық мақаласы – елім, жерім деген әрбір қазақстандық үшін құнды дүние деп санаймын. Сол себепті де онда айтылған жайларға барынша мән беруіміз қажет.

Елбасының бұл мақаласында қазіргі Қазақстанның басты рухани құндылықтары айқын көрініс тапқан. Бұл мақаланың мазмұны терең, ауқымы өте кең, ұлт руханиятын ХХІ ғасыр биігіне көтеретін рухани дүние. Онда  ХХІ ғасырдағы жаңа ұлттың, жаңа қазақтың феноменін анықтап беріліп, білім, ғылым, зияткерлік қабілет және сапалы еңбек арқылы бәсекеге қабілеттілікті арттыру керектігі ерекше айтылған. Елбасының ұстанған мақсаты – ұлттың ұлы мұратын жүзеге асыру, Ұлы Дала елінің бойында белгілі тарихи себептермен қалғып кеткен прагматизмді ояту. Осы  арқылы ұлттық, қоғамдық ойға, іске сілкініс әкелу, тәуелсіз елдің санасы мен ағзасын отаршылдық, кембағалдық, бойкүйездік комплекстерінен тұтастай арылту. «Мен қазақстандықтардың ешқашан бұлжымайтын екі ережені түсініп, байыбына барғанын қалаймын. Біріншісі –ұлттық код, ұлттық мәдениет сақталмаса, ешқандай жаңғыру болмайды. Екіншісі – алға басу үшін ұлттың дамуына кедергі болатын өткеннің кертартпа тұстарынан бас тартукерек»-дей арқылы, қазақтың ежелгі «дәстүрдің озығы бар, тозығы бар» қағидасын мықтап ұстануға шақыру болып табылады.

Біздің  міндет – осы мақалада айтылғандарды іске асыру жолында аянбай еңбек етіп, жас ұрпаққа  рухани патриоттық  бағытта оң тәрбие  беру болып табылады. Себебі, құнды  қасиеттерге  ие  болу, рухани бай  адамды  қалыптастыру  оның  туған  кезінен  басталуы  керек. Халқымызда  «Ағаш  түзу  өсу  үшін  оған  көшет кезінде көмектесуге  болады, ал үлкен ағаш  болғанда  оны  түзете  алмайсың» деген сөз бекерге  айтылмаған. Сол себептен де,  баланың  бойына жастайынан ұлттық намыс, мінез құлық,тектілік, отансүйгіштік  яғни  рухани патриоттық  құнды  қасиеттерді  сіңіріп тәрбиелеуді  отбасы  мен  тәрбиеші лер шешуші  қызмет  атқарады. Еліміздің  болашағы  жас  ұрпақты  тәрбиелеуде ең бірінші  – отбасы, ата-ана тәрбиесі болса, екінші   – білім беру  мекемелері болып табылады. Кез-келген адам мектепке дейінгі кезеңдегі тәрбие –адам қалыптасуының алғашқы баспалдағы екенін жақсы біледі. Соның ішінде әсіресе балабақшадағы тәрбие бала  табиғатына ерекше  әсер етіп, оған өмір бойы  өшпестей  із қалдыратыны сөзсіз. Соны басты назарда ұстаймыз. Мемлекет басшысы нұсқап отырған ұлттық бірегейлікті сақтай отырып, заман ағымына қарай оның сипаттарын өзгерту, «білім культін» қалыптастыру, мемлекет пен қоғамды революциялық емес, эволюциялық жолмен дамыту, ең бастысы, сананың ашықтығын, яғни әлемдік озық жаңалықтарға, ғылым-білімге құшақты айқара ашу идеялары ұлттың рухани-мәдени қалыбы болмақ. Әрі жаңа дәуір сынақтарын бәсекелік қабілеті ерекше ел ғана еңсере алады

Заман  талабына  лайық тәрбие  білім  беру жұмысын кешенді  ұйымдастыруда жаңа  технологияларды, идеялар мен шығармашылық, инновациялық  жаңашылдықты  қолданып отырамыз. Жас ұрпаққа  білім беруде жетілдіру мәселесі толассыз күн сайын өзгеріп  тұрған әлеммен бірге жүрері  анық. Балабақшада  берілетін тәрбие – бастамасы, әрі жан-жақты тәрбие мен дамуы  ісінің  түпкі негізін қалайтын орын. Бала  бойындағы жақсы  қасиеттер мен мүмкіндіктерді ашып оларды  өнегелі, тәрбиелі  болып  өсуіне  балабақша  ошағының  тигізер  әсерінің  маңызы  зор болып табылады. Біз соны әрқашанда есте ұстаймыз.
Мектепке дейінгі  мекемеде үнемі ата -аналарды  қатыстырып отырып, көптеген іс -шаралар  ұйымдастырамыз, сол арқылы бүлдіршіндердің ата -анаға  деген құрметті бойлары  сіңіруге күш саламыз. Бүлдіршіндерімізді  Отанымыздың сұлу  жерлерімен таныстыра  отырып,  олардың  Отанға деген құрметтерін  арттырамыз. Өзіміздегі табиғат бұрышындағы гүлдерге күтім жасау мен оларды қорғауды өздеріне  тапсырамыз.  Еңбек  бағалауды бала  күнінен  ұғындырамыз. Қазақ халқының салт дәстүрі  тек наурызда мерекесінде ғана емес үнемі пайдалану біздің  міндет. Салт дәстүріңде болашаққа керегін саралап жеткізу.
Балабақшамызда көптеген мәдени-танымдық іс шаралар өткізіп отырамыз. Баланы өз ойын толық жеткізуге де мүмкіндік жасаймыз.

Қорыта айтсам, біз осы бағдарламалық мақаладағы «Мен халқымның  тағылымы мол  тарихы мен  ықылым  заманнан  арқауы  үзілмеген  ұлттық  салт дәстүрлерін  алдағы  өркендеудің берік діңі  ете  отырып, әрбір  қадамын  нық  басуын, болашаққа сеніммен  бет  алуын қалаймын»-деген Елбасымыздыың сөздерін басшылыққа ала отырып, әрекет етудеміз.

Шолпан ҚАСЫМОВА,

 «Демеу» бөбекжай-балабакшасы ЖШС-нің меңгерушісі.

Атакент кенті, Мақтаарал ауданы.