МАҚТААРАЛДА АУДАН ӘКІМІНІҢ КУБОГІ ҮШІН ЖАРЫС ӨТТІ
Posted by: Қалмұрат
in Денсаулық, Қоғам
19/02/2021
12 Views
Аудандағы бұқаралық спортты дамыту, тұрғындар арасында достық қарым-қатынасты нығайту мақсатында аудан әкімінің бастамасымен аудандық мәдениет, тілдерді дамыту, дене шынықтыру және спорт бөлімінің ұйымдастыруымен және аудандық Жастар ресурстық орталығының қолдауымен ұйымдастырылған жарыс өткен жылдың қаңтар айында бастау алған болатын.
Жуырда аудан орталығындағы Абылайхан жалпы орта мектебінің спорт залында санитарлық талаптарды сақтай отырып, волейболдан жарыстың соңғы тур ойындары өтіп, жеңімпаздар анықталды.
Жарыста барлық турларды жеңіліссіз өткізген Мақтаарал ауылдық округінің командасы жеңімпаз атанса, ІІ-орын А.Қалыбеков ауылдық округінің командасына, ал ІІІ-орын Атакент кентінің командасына бұйырды.
Жарыста үздік үштіктен көрінген командалар мен үздік атанған спортшылар кубоктармен және бағалы заттай сыйлықтармен марапатталса, жарыстың жоғары дәрежеде өтуіне үлес қосқаны үшін төрешілер мен команда жетекшілері аудан әкімі Бақыт Асановтың арнайы алғыс хаттарымен мараппатталды.
Бақдаулет САТТАРОВ,
Мақтаарал ауданының мәдениет, тілдерді дамыту, дене шынықтыру және спорт бөлімінің маманы.
Волейболдан аудан әкімінің кубогі Спорттық жарыс 2021-02-19