МАҢЫЗЫ ЕРЕКШЕ ІС-ШАРА

         ҚР ІІМ-нің 2021 жылғы 15 шілдедегі №1-5-4-58/2207-И нұсқауына сәйкес, халық арасында ішкі істер органдарының имиджі мен беделін арттыру, азаматтармен сенімді қарым-қатынас орнату, сондай-ақ құқық бұзушылықтардың алдын алу  және оның жолын кесу, қызмет көрсетілетін әкімшілік учаскелердегі құқық бұзушылықтардың профлактикасы мақсатында біздің облыс аумағында «Құқықтық тәртіп» жедел-профилактикалық іс-шарасы өткізілуде.

         Осы аталмыш шара аясында біздің аудандық пробациялық қызметте арнайы іс-шаралар жоспары түзіліп, тиісті жұмыстар жүргізілуде. Пробация қызметінің өкілдері учаскелік инспекторлармен бірлесе отырып, өздеріне бекітілген аймақтағы есептегі азаматтармен кездесулер өткізуде.

        Егерде ол азаматтарда – жұмысқа орналасу, тұрғын үйлеріне, медициналық ем қабылдау мен басқа да әлеуметтік маңыздағы өзекті мәселелер туындаса соны шешуге ҚР Заңдары аясында белгіленген тәртіппен тиісті көмектер көрсетіледі. Сондай-ақ, әлеуметтік жағдайы төмен азаматтарға материалдық көмек көрсету үшін демеушілік жасаушы кәсіпкерлерге ұсыныстарды жасау мәселесі де қарастырылады.

          Бұл іс-шараның арқасында халық арасында құқық қорғау органдарының, оның ішінде пробациялық қызметтің  беделін арттыратыны белгілі. Алдағы уақытта да осы бағыттағы жұмыстар жалғасатын болады.  

С.ОРАЗӘЛІ,

Жетісай аудандық ПҚБ-нің инспекторы, әділет аға лейтенанты.