Deprecated: Function is_staging_site is deprecated since version 3.3.0! Use in_safe_mode instead. in /var/www/vhosts/sayipqiran.kz/httpdocs/wp-includes/functions.php on line 6031
ОКРУГ ӘКІМІ ҚАРТТАРҒА ҚҰРМЕТ КӨРСЕТТІ - САЙЫПҚЫРАН.KZ Ақпаратты-сараптамалық порталы
Home » Әлеумет » ОКРУГ ӘКІМІ ҚАРТТАРҒА ҚҰРМЕТ КӨРСЕТТІ

ОКРУГ ӘКІМІ ҚАРТТАРҒА ҚҰРМЕТ КӨРСЕТТІ

           1990-жылы Біріккен Ұлттар Ұйымының қаулысымен «1 қазан – Халықаралық қарттар күні» болып жарияланды. Бұл мереке ұрпақтың қоғам өміріне қосқан үлесіне шынайы ризашылық білдіретін және ардагерлерге қамқорлық көрсететін ерекше күн.
         Аталмыш мерекені Жетісай ауданы, Ж.Ералиев ауылдық округінің тұрғындары да қуанышпен жоғары деңгейде атап өтті. Округ әкімі Сұлтанбек Қасымовтың бастамасымен округ қарияларына дастархан жайылып, сый-құрмет көрсетілді. Өмірден өткен жандардың әруақтарына арналып ас беріліп, құран аяттары бағышталды. Елдің ынтымағы мен бірлігін сақтауда аянбай еңбек етіп жүрген ел ағаларына аудан әкімі Мұрат Болатұлының, округ әкімі Сұлтанбек Қасымовтың және аудандық ардагерлер кеңесі төрағасының мерекелік алғыс хаттары табысталды.
          Салтанатты іс-шара барысында ауыл ақсақалдары Мырзашөл даласының кешегісі мен бүгінгісін, тәуелсіз Қазақстан елінің қол жеткізген жетістіктерін айтып, осынау бейбіт заманның негізін қалаған Елбасы, Қазақстан Республикасының Тұңғыш Президенті Н.Ә.Назарбаевқа, мемлекет басшысы Қасым-Жомарт Кемелұлы Тоқаевқа өз алғыстарын білдірді. Сонымен қатар, мерекелік дастархан басында аға буын өкілдері өскелең ұрпаққа жақсы менен жаманның аражігін ажырататын өсиетті ақыл-кеңестерін берді. Елдегі ұлтаралық татулық пен саяси тұрақтылықтың сақталуын, қайғысыз күннің түгемеуін тіледі.
          «Бүгінгі жас – ертеңгі елдің сенім артқан болашағы. Біз жастарымызға қандай өнеге көрсетіп, қандай тәрбие берсек еліміздің болашағы солай қалыптасады. Сондықтан, ұрпақ тәрбиесінде «сенікі, менікі» деген түсінік болмауы керек. Ол – баршамызға ортақ міндет» дейді қазыналы қарттар.
            Бар жастық жігері мен күш-қайратын елінің ертеңіне арнап, аянбай еңбек еткен қарттарымыздың төл мерекелерін жоғары деңгейде атап өтуде Арай ауылдық мәдениет үйінің өнерпаздары да өз үлестерін қосып күмбірлете күй төкті, әсем әннен шашу шашты.
            Қариясы бар ел – қазыналы ел. Аталмыш шараның жоғары деңгейде аталып өтуінде қазыналы қарттарымызды құрметтеп, қашан да болса ақыл-кеңестерінің құндылығын қадірлей білетін демеушілер, өзге ұлт өкілдері бір-біріне құрмет көрсетіп, иықтарына ұлттық нақыштағы шапан жапты.
            «Қай заманда, қай қоғамда болмасын қарияның аты қария, орыны әрқашан да төрде болмақ. Елдің ынтымағы мен бірлігін сақтап, берекесін асыруда, ұрпақ тәрбиесінде қарттарымыздың рөлі үлкен. Біздің ол кісілерден үйренеріміз әлі көп» дейді Ж.Ералиев ауылдық округінің әкімі Сұлтанбек Қасымов.
Бауыржан НАЙМАНОВ, Жетісай ауданы.

About Қалмұрат

Журналистика саласына кездейсоқ келіп қалсам да бұл салаға қызығушылығым оянғандықтан журналистикада жүргеніме 20 жыл болды. Алғашқы еңбек жолымды "Керуенбасы" газетінде корректорлықтан бастадым. Содан бері баспа журналистиканың барлық саласынан өттім. 2 рет газет шығарушы баспагер де болдым. Осы сайтымнан Сіздер өздеріңізге қажетті ақпараттар аласыздар деген ойдамын. Сіздер біздің жаңалықтарымызды: https://www.facebook.com/me/ https://twitter.com/KalmuratD www.sayipqiran.kz%2F%3Fp%3D8202 https://www.instagram.com/saipkiran.kz/ https://t.me/sayipkir арқылы да біле аласыздар.

Leave a Reply

Your email address will not be published. Required fields are marked *

*

x

Check Also

ЖҰМЫСТАР ЖОСПАРҒА СӘЙКЕС АТҚАРЫЛУДА

        ...

ТҰЛҒА ТӘРБИЕЛЕГЕН ҰСТАЗ

        ...

ПЕДАГОГТАР ӘУЛЕТІ

        ...

ЦИФРЛЫҚ ӘЛЕМДЕГІ ЗАМАНАЛЫҚ БІЛІМ БЕРУ

        ...

PEOPLE AND PLACES, SHOPS

Learning objectives(s) that this ...

САЛТ-ДӘСТҮР ЖӘНЕ ТӘРБИЕ

Оқу бағдарламасына сәйкес оқыту ...

НАУРЫЗЫМ МЕРЕКЕМ, НАУРЫЗЫМ БЕРЕКЕМ!

       Біздің ...

САНСЫЗБАЙ САРҒАСҚАЕВТЫҢ «ТӘМПІШ ҚАРА» ШЫҒАРМАСЫ КЕЙІПКЕРЛЕРІ

      Оқу ...

ОТКРЫТЫЙ УРОК НА ТЕМУ «НАРЕЧИЕ. СТЕПЕНИ СРАВНЕНИЯ НАРЕЧИЙ» В 7 КЛАССЕ С ИСПОЛЬЗОВАНИЕМ СОВРЕМЕННЫХ ОБРАЗОВАТЕЛЬНЫХ РЕСУРСОВ

        ...

НАУРЫЗ МЕЙРАМЫ – КӨКТЕМ МЕН ЖАҢАРУ МЕРЕКЕСІ!

       Ұлттық ...