Deprecated: Function is_staging_site is deprecated since version 3.3.0! Use in_safe_mode instead. in /var/www/vhosts/sayipqiran.kz/httpdocs/wp-includes/functions.php on line 6031
ЖАСӨСПІРІМДЕР АРАСЫНДА РЕСПУБЛИКАЛЫҚ ТУРНИР ӨТТІ - САЙЫПҚЫРАН.KZ Ақпаратты-сараптамалық порталы
Home » Sports » ЖАСӨСПІРІМДЕР АРАСЫНДА РЕСПУБЛИКАЛЫҚ ТУРНИР ӨТТІ

ЖАСӨСПІРІМДЕР АРАСЫНДА РЕСПУБЛИКАЛЫҚ ТУРНИР ӨТТІ

           Мақтаарал аудандық ішкі саясат бөлімінің «Жастар ресурстық орталығы» КММ ұйымдастыруымен грек-рим күресінен республикалық турнир болып өтті. Ел Тәуелсіздігінің 30 жылдығы мен күш атасы Қажымұқан Мұңайтпасовтың 150 жылдығына, «Жастар ресурстық орталығы» КММ құрылғанына 10 жыл толуына орай ұйымдастырылған шараның ашылу салтанатына аудандық «Жастар ресурстық орталығы» КММ басшысы, аудандық мәслихат депутаты Сүндет Кенжебаев, аудандық спорт, мәдениет және тілдерді дамыту бөлімінің басшысы Жандарбек Тәтеев, спорт ардагерлері қатысты.
          2004 – 2006 жылғы жасөспірімдер арасында 60, 65, 71 және +75 келі салмақта, 2007 – 2009 жылы туылған жасөспірімдер арасында 39, 42, 45, 48, 51 және 57 келі салмақтарда Түркістан облысы әкімінің орынбасары Сәкен Қалқамановтың бекітуімен өткен байрақты бәсекеде Мақтаарал, Төле би, Шардара, Сайрам, Сарыағаш, Жетісай аудандарымен қатар Тараз және Шымкент қалаларынан келген жас палуандар күш сынасты.
            «Спорт – денсаулық кепілі. Біз бұл турнирді өткізу арқылы бірінші кезекте салауатты өмір салтын насихаттауды, жасөспірімдер арасында достық қарым-қатынасты нығайтуды, жаңа жас таланттарды анықтауды ел Тәуелсіздігінің 30 жылдығы мен елімізде қолға алынған жастар саясатының 10 жылдығын, күш атасы – Қажымұқан Мұңайтпасовтың 150 жылдығын жоғары деңгейде атап өтуді мақсат еттік. Айтулы мерекелерді атап өтуде әлі алда бірнеше облыстық, республикалық және халықаралық іс-шараларды өткізуді жоспарлап отырмыз» дейді Мақтаарал аудандық «Жастар ресурстық орталығы» КММ басшысы аудандық мәслихат депутаты Сүндет Қахраманұлы.
           Жарысқа арнайы шақырылған грек-рим күресінен Азия Чемпионатының екі дүркін чемпионы, Халықаралық дәрежедегі спорт шебері Адильхан Сатоев шеберлік сағатын өтіп, боз кілемде белдесетін балуандарға сәттілік тіледі.
          Барлық санитарлық және қауіпсіздік талаптарын қатаң сақтай отырып өткізілген тартысты өткен байрақты бәсекеде бабы мен бағы қатар жанған балуандар қарсыласын алып та жықты, шалып та жықты. Сонау ықылым заманнан атаның қанымен, ананың сүтімен бойға дарыған күресте бабы келіскен жасөспірімдер бар мүмкіндіктері мен әдіс-тәсілдерін қолдануға тырысып бақты. Боз кілемде атой салып, талайлардың таңдайын қақтырған күрес спортының болашақ жұлдыздарының өнерін тамашалаған жанкүйерлер қошемет көрсетіп, демеу беріп отырды.
           «Бүгінгі сайыс жоғары деңгейде өтіп жатыр. Әр өңірден келген жас балуандар өз салмақтары бойынша мықтыларды анықтауда. Бүгінгі күн – грек-рим күресінің жаңа таланттарын анықтап, жаңа чемпиондардың жұлдызын жағатынына сенімдімін» дейді күрестің бірнеше түрінен Азия және Европа чемпионаттарының жеңімпазы атанған ардагер спортшы Сапарбек Сүлейменов.
          Турнир соңында барлық жеңімпаздар мен белсенді қатысқандар, жастарды спортқа баулып жүрген жаттықтырушылар арнайы дипломдармен, ұйымдастырушылар тағайындаған медальдармен марапатталды.
Бауыржан НАЙМАНОВ,
Мақтаарал ауданы.

About Қалмұрат

Журналистика саласына кездейсоқ келіп қалсам да бұл салаға қызығушылығым оянғандықтан журналистикада жүргеніме 20 жыл болды. Алғашқы еңбек жолымды "Керуенбасы" газетінде корректорлықтан бастадым. Содан бері баспа журналистиканың барлық саласынан өттім. 2 рет газет шығарушы баспагер де болдым. Осы сайтымнан Сіздер өздеріңізге қажетті ақпараттар аласыздар деген ойдамын. Сіздер біздің жаңалықтарымызды: https://www.facebook.com/me/ https://twitter.com/KalmuratD www.sayipqiran.kz%2F%3Fp%3D8202 https://www.instagram.com/saipkiran.kz/ https://t.me/sayipkir арқылы да біле аласыздар.

Leave a Reply

Your email address will not be published. Required fields are marked *

*

x

Check Also

ЖҰМЫСТАР ЖОСПАРҒА СӘЙКЕС АТҚАРЫЛУДА

        ...

ТҰЛҒА ТӘРБИЕЛЕГЕН ҰСТАЗ

        ...

ПЕДАГОГТАР ӘУЛЕТІ

        ...

ЦИФРЛЫҚ ӘЛЕМДЕГІ ЗАМАНАЛЫҚ БІЛІМ БЕРУ

        ...

PEOPLE AND PLACES, SHOPS

Learning objectives(s) that this ...

САЛТ-ДӘСТҮР ЖӘНЕ ТӘРБИЕ

Оқу бағдарламасына сәйкес оқыту ...

НАУРЫЗЫМ МЕРЕКЕМ, НАУРЫЗЫМ БЕРЕКЕМ!

       Біздің ...

САНСЫЗБАЙ САРҒАСҚАЕВТЫҢ «ТӘМПІШ ҚАРА» ШЫҒАРМАСЫ КЕЙІПКЕРЛЕРІ

      Оқу ...

ОТКРЫТЫЙ УРОК НА ТЕМУ «НАРЕЧИЕ. СТЕПЕНИ СРАВНЕНИЯ НАРЕЧИЙ» В 7 КЛАССЕ С ИСПОЛЬЗОВАНИЕМ СОВРЕМЕННЫХ ОБРАЗОВАТЕЛЬНЫХ РЕСУРСОВ

        ...

НАУРЫЗ МЕЙРАМЫ – КӨКТЕМ МЕН ЖАҢАРУ МЕРЕКЕСІ!

       Ұлттық ...