5 МЫҢ КӨШЕТ ЕГІЛДІ
Posted by: Қалмұрат
in PRESS RELEASE, Билік
09/11/2021
27 Views
Мақтаарал ауданында 5 мың көшет егілді. Өткен аптаның соңында аудан әкімі Бақыт Асановтың бастамасымен ұйымдастырылған көгалдандыру шарасына барлық мемлекеттік қызметшілер мен бюджеттік қызметкерлер қатысты.
«Міне, аудан көлемінде ағаш көшеттерін отырғызып, көркейту, көгалдандыру жұмыстарын жалғастырудамыз. Бабаларымыз ағаштың пайдасы жайлы өте көп даналық сөздер айтып кеткен. Сондықтан, қоршаған ортаға деген жанашырлық әр адамның жүрегінде болуы тиіс. Мақтааралымызды жасыл желекке айналдыру жолында әрбір тұрғын атсалсыуы керек» – деді Бақыт Насырханұлы.
Жалпы 600 адам қатысқан сенбілікте негізінен көшеттің қара ағаш, клен, катальпа, тұт, жиде, акация, миндаль атты түрлері Мырзакент кентіндегі жаңа мөлтек ауданның аллеясына, КХ-100 тас жолы мен К-18 каналының бойына отырғызылды.
Аудан басшысы тиісті мекеме басшыларына тапсырма беріп, егілген көшеттердің жайқалып өсуі үшін қолайлы жағдай жасау керектігін ескертті.
Мақтаарал ауданы әкімдігінің баспасөз қызметі.
Бақыт Асанов Көшет егу Мақтааралдағы сенбілік 2021-11-09
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
