САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
«Бірлік түбі – береке» деген халық даналағын берік ұстанған қазақ елім! Баршаңызды Қазақстан Республикасы Тәуелсіздігінің 30 жылдығымен құттықтаймын. Тәуелсіз 30 жылда ел болып қол жеткізген елеулі табысымыз бен жетістігіміз мол. Қасиетті Тәуелсіздік құндылығын бағалап, оны сақтау баршамыздың азаматтық борышымыз деп білемін. Мыңдаған жылдар бойы ата-бабаларымыздың аңсап, армандаған арманы ақиқатқа айналып, шекарамыз бекітіліп, алпауыт елдермен тереземіз тең болған, Тәуелсіздігіміз мәңгілік болсын. Осы 30 жыл ішінде жеткен жетістіктерімізді сақтап, ары қарай да дамыту біздер мен өскелең ұрпақтың қолында. Еліміздің мәңгілік ел болуы Елбасы Н.Назарбаевтың жүргізген сарабдал, парасатты саясатының жемісі деп білемін. Ендігі біздің мақсатымыз елдегі тұрақтылықты сақтап, Отанымыз Қазақстанның баянды болашағы үшін адал қызмет ету. Баға жетпес бірлік атты алтын қазынамызды көздің қарашығындай сақтау әрқайсымыздың басты парызымыз.Тәуелсіздік күні құтты болсын!
Ш.Бабаев,
Түркістан облысы ҚХА мүшесі.
