ТӘУЕЛСІЗ ҚАЗАҚ ЕЛІ ЖАСАЙ БЕРСІН!
Posted by: Қалмұрат
in Құттықтау, Мерекелік шара
27/02/2022
29 Views
Мұқтар Шаханов 27 ақпан – Салт-дәстүр күніне орай ел жұртшылығына өз құттықтауын жолдады.
Қадірлі бауырлар!
Сіздерді ұлт құндылықтарын сақтау мен насихаттауға бағытталған Қазақ күнтізбесінің айтулы күні 27 ақпан – Салт-дәстүр күнімен шын жүректен құттықтаймын! Бабаларымыздан мұра болып жеткен ата салтымыз ұрпақтан ұрпаққа жалғасып, мызғымас бірлігіміздің, татулығымыздың берік іргесі бола берсін.
Ұл-қыздарымыз ұлтжанды, текті болып өссін десек салтымызды ардақтап, жеріне жеткізіп насихаттау аса қажет, бұл әрқайсымыздың парызымыз. Салтына берік ұлдан ертеңгі күні ел қорғаны, атпал азаматтарымыз шықса, ұлт дәстүрін ардақтаған қыздарымыз болашақта ел анасы болары сөзсіз. Осы орайда барлықтарыңызды салт-дәстүрімізді ұлықтауға бағытталған осы айтулы күнмен құттықтай отырып, Тәуелсіз Қазақ елі жасай берсін демекпін!
Ізгі тілекпен, Мұқтар ШАХАНОВ.
2022-02-27
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
