ӘДЕП КОДЕКСІН САҚТАУ БАСТЫ НАЗАРДА

Мемлекеттік қызметшілердің әдеп кодексінде мемлекеттік қызмет атқару қоғам мен мемлекет тарапынан ерекше сенім білдіру және мемлекеттік қызметшілердің моральдық-әдептілік бейнесіне қатаң талаптар қоятыны айтылған.

Осы орайда, Мемлекеттік қызмет істері агенттігі мемлекеттік қызметшінің әдебі мен мінез-құлық мәселелеріне ерекше мән береді.

Қазіргі таңда, мемлекеттік қызметшінің іс-әрекетіне қоғамдық бақылау артып отыр.

Бүгінде түрлі әлеуметтік желілер қарапайым халық өз пікірін ашық айта алатын бірден-бір құрал болып тұр. Демек, әлеуметтік желілер арқылы қоғамның өзекті мәселелерін, мемлекеттік қызметшінің тарапынан қандай ерсі қылықтар орын алып жатқанын көруге болады.

Президент Қасым-Жомарт Кемелұлы осы жағдайды ескеріп, Үкімет мүшелерінен бастап өңірлердегі әкімдерге әлеуметтік желіге тіркелуін және халықтың сұрақтарына жауап беріп, кері байланыс орнатылуын тапсырған.

Осының нәтижесінде, қарапайым тұрғын мемлекеттік органдарға өз өтінішін жеткізу үшін бұрыңғыдай арнайы қабылдауына жазылып, апталап кезек күтпей-ақ, өзін мазалған сұрақтарына әлеуметтік желі арқылы жауап ала алады.

Өз кезегінде, Департамент тарапынан да әлеуметтік желілерде ресми парақшалар ашылып, бүгінгі күні азаматтардың өтініштеріне жедел түрде жауаптар ұсынылуда.

Мемлекеттік қызметші – биліктің айнасы, оның түр сипаты болып табылады. Алайда, бүгінгі таңда мемлекеттік қызметшілер күнделікті қызметінде, халықпен кездесу барысында өзін-өзі ұстау мен көпшілік алдында сөйлеу кезінде әдеп нормаларына сай келе бермейтін түрлі кемшіліктерге жол беретін кездер көрініс табуда.

Осыған орай, Департаментпен әлеуметтік желілердегі мемлекеттік қызметшілердің іс-әрекеттеріне қатысты негізді сыни мақалаларға тұрақты түрде мониторинг жүргізілуде.

Өткен жылдың қорытындысымен өңірімізде мемлекеттік қызметшілерге қатысты 24 сыни мақала жарияланғаны анықталып, 6 қызметшіге профилактикалық мақсатта тәртіптік жазалар қолданылды.

Мәселен, мемлекеттік қызметшілер тарапынан қоғамдық орындарда жеке және заңды тұлғларға дөрекілік танытуы, жиналыс барысында әріптестеріне
ар-намысына тиетін сөздерді айтуы, мезгілсіз уақытта азаматтардың тыныштығын бұзуы және т.б. мемлекеттік қызметшілердің моральдық-әдептілік бейнесіне және имиджіне кері әсер ететін фактілер де орын алған.

Мемлекеттік қызметші мемлекеттің мүддесіне және азаматтардың құқығына залал келтіретін іс-қимылдарға қарсы тұруға, заңмен белгіленген шектерулерді сақтауға міндетті. Әрқашанда қызмет көрсетудің жоғары стандарттарына сәйкес болуға, адалдық, ашықтық және әділдік қағидаттарын басшылыққа ала отырып, қызметтерді кәсіби, жоғары дәрежеде көрсете білуі тиіс.

Қазақстан Республикасы мемлекеттік қызметшілерінің әдеп кодексі халықтың мемлекеттік органдарға сенімін нығайтуға, мемлекеттік қызметте өзара қарым-қатынастың жоғары мәдениетін қалыптастыруға және мемлекеттік қызметшілердің әдепсіз мінез-құлық жағдайларының алдын-алуға бағытталған.

Мемлекеттік қызметшіге Әдеп кодексін сақтау өте маңызды, себебі ол тікелей адаммен жұмыс жасайды және әр түрлі адамдармен қарым-қатынас жасау арқылы қызмет атқарады. Сондықтан, мемлекеттік қызметшінің сыртқы бейнесі, киім-киісі, қимыл әрекеттері, сөйлеу мәнері, ой пікірі, жеке қасиеттерінің барлығы мәдениеттің үздік үлгісіне айналуы керек.

Өз кезегінде, мемлекеттік қызметші қоғам мен азаматтар арасындағы жауапкершілікті сезіне отырып, Қазақстан Республикасы Конституциясының заңдары мен өзге де нормативті-құқықтық актілер талаптарын мүлтіксіз сақтауға, жалпы қағидаттар мен адамгершілік нормаларын сақтауға, қызмет барысында және тұрмыста жоғары парасатты, мәдениетті болуға талпынуы тиіс.

Бұл ретте, Мемлекеттік қызмет істері агенттігінің Түркістан облысы бойынша департаментімен аталған бұзушылықтардың санын азайту мақсатында профилактикалық бағыттағы жұмыстар тұрақты негізде жүргізілуде.

Нәтижесінде, Мемлекеттік қызмет істері агенттігінің Түркістан облысындағы Әдеп жөніндегі кеңесінің отырысында мемлекеттік қызметшідердің Әдеп кодексінің талаптарын бұзу деректеріне қатысты тәртіптік істер саны соңғы 2 жылда 48%-ға төмендегенін атап өту қажет.

Еліміздің ертеңі – бүгінгі мемлекеттік қызметшілердің парасаты мен ар-ожданына және кәсібилігіне байланысты болғандықтан, елге адалдық пен абыроймен қызмет етуіміз керек.

Е.Ж. ЖҰМАТАЙ,

Қазақстан Республикасының Мемлекеттік қызмет істері агенттігінің Түркістан облысы бойынша департаментінің, Мемлекеттік қызмет саласындағы бақылау басқармасының басшысы.