МӘЖІЛІС ДЕПУТАТЫ А.ХАМЕДОВ МАҚТААРАЛДЫҚ ТҰРҒЫНДАРМЕН КЕЗДЕСІП, РЕФЕРЕНДУМ ЖӨНІНДЕ ПІКІР АЛМАСТЫ

      ҚР Парламенті Мәжілісінің депутаты Абилфас Хамедов референдум өткізуді қолдау мақсатында мақтааралдық тұрғындармен кездесті.

       Жиынға Мақтаарал ауданы әкімінің орынбасары Алтын Ешанқұлова, облыстық қоғамдық даму басқармасы «Қоғамдық келісім» КММ басшысы Эльмира Жанғазиева, аудандық ҚХА жанындағы құрылымдар мен этномәдени бірлестіктер, жастар ұйымдары жетекшілері мен мүшелері, құқық қорғау органдарының өкілдері қатысты.

         Кездесуде Мәжіліс депутаты алдағы референдумның маңыздылығына тоқтала келе, халық даусының шешуші рөл атқаратынын, оған әр азаматтың атсалысуы керектігін атап өтті. Депутаттың пікірінше, бұл реформалардың басты мақсаты – халықтың әл-ауқатын арттыру, демократиялық процестер қарқынын үдету.

        барысында Мақтаарал аудандық ҚХА жанындағы Қоғамдық келісім кеңесінің төрағасы Е.Қазыбеков, аудандық өзбек этномәдени бірлестігінің төрағасы Х.Сабиров,  ҚХА мүшесі Ш.Бабаев, тәжік этносының белсенді өкілі А.Худайкулов, аудандық мәслихаттың хатшысы К.Сәрсекбаев сөз сөйлеп, алдағы референдумға белсене атсалысатындықтарын жеткізді.

         Келелі басқосуда жиынға қатысушылар сұрақ-жауап түрінде пікір алмасып, Мемлекет басшысының референдумды өткізу шешіміне қолдау білдірді.

          Сапар аясында халық қалаулысы Көкарал елдімекеніндегі Т.Бигелдинов атындағы ЖОМ-де болды. Сондай-ақ депутат осыдан екі жыл бұрын, яғни 2020 жылғы су тасқынынан зардап шеккен ауыл тұрғындарымен кездесті. Бүгінде су астында қалған ауыл тұрғындарына арнап жаңадан үйлер салынып, аудан орталығы Мырзакент кентінің жанынан жаңа «Мөлтек» ауданы бой көтерген. Кездесуге қатысқан ауыл тұрғындары референдумды қолдайтындықтарын жеткізді.

Мөлдір БАЛХАШОВА,
Түркістан облысының қоғамдық даму басқармасы «Қоғамдық келісім»КММ Мақтаарал аудандық филиалының маманы.