ЕРЛІК САҒАТЫ ӨТКІЗІЛДІ

           Жуырда кітапханамыздың оқу залында Ұлы Жеңістің 77 жылдық мерейтойына орай, «Береке» жалпы орта мектебінің 8-сынып оқушыларының қатысуымен «Ұлы Жеңіс жасасын!» атты ерлік сағаты өткізілді.

         Бұл іс-шарадан көзделген басты мақсат – жас буынды адамгершілікке, Отанды сүюге, кез-келген сәтте сыртқы және ішкі жаулардан  қорғауға баулу, оған деген сүйіспеншіліктерін арттыру, өскелең ұрпаққа патриоттық тәрбие беру, Ұлы Отан соғысы туралы жан-жақты ақпарат беру және ондағы қазақстандықтардың ерлік істерімен таныстырып, ой-өрістерін дамыту. Сондай-ақ, балаларды жасы үлкен адамдарды сыйлай білуге және де оларды қадірлеуге тәрбиелеу де болды.

         Іс-шараның басында оқу залына жиналғандарға мен өзімнің «Ұрпақтар ұмытпайтын Жеңіс» атты баяндамамды оқып бердім. Содан кейін бүгінгі шараға қатысты оқушылар тарапынан «Мәңгілік өшпес отты жылдар» атты шағын сахаландырылған қойылым көрсетілді. Ал шараға қатысып отырған оқушылардың белсенділері Ұлы Отан соғысына қатысты өлеңдер оқып  оқу залын әсерлі әнге бөледі.

      Ерлік сағатын қорытындылаған «Береке» жалпы орта мектебінің тарих пәні мұғалімі Айнагүл Ақбердиева осы  ерлік сабағында алға қойылған барлық мақсаттардың толығымен жүзеге асқанын және де оқушыларға Ұлы Отан соғысының нәубетін ешқашан ұмытпауға шақырды.  Ал сөзінің соңында осындай ерлік сағатын өткізген ұйымдастырушыларға өз алғысын айтты.

Б.РЫСПАНОВА,

Қ.Пернебаев ауылдық филиал №8 кітапханасының кітапханашысы.

Бірлік ауылдық округі.