ӘЛЕУМЕТТІК САЛАДА ӘРБІР ӨТІНІШ ҚАРАЛАДЫ

Жетісай ауданының жұмыспен қамту және әлеуметтік бағдарламалар бөлімі тарапынан биылғы жылдың 7 айында «Мүгедектерді оңалтудың кейбір мәселелері туралы» Қазақстан Республикасы Денсаулық сақтау және әлеуметтік даму министрінің 2015 жылғы 22 қаңтардағы №26 бұйрығымен бекітілген қағидаларына сәйкес мүгедектерге протездік-ортопедиялық көмекке қатысты келіп түскен 245 өтініш толықтай қанағаттандырылып, 962 азамат сурдо-тифлотехникалық және міндетті гигиеналық құралдармен қамтамасыз етілген.

Арнаулы жүріп-тұру құралдарымен қамтамасыз ету бойынша 166 азаматтың, жүріп-тұруы қиын бірінші топтағы мүгедектерді жеке көмекшінің қызметімен қамтамасыз ету бойынша 73 азаматтың, есту кемістігі бар мүгедектер үшін ымдау тілі маманының қызметімен қамтамасыз ету бойынша 87 азаматтың өтініштері қанағаттандырылып, тиісті қызметтер көрсетілген.

Одан бөлек, бөлім тарапынан 582 мүгедектер мен мүгедек балалар санаторий-курорттық емделумен қамтылып, «Әлеуметтік-еңбек саласында мемлекеттік қызметтерді көрсетудің кейбір мәселелері туралы» Қазақстан Республикасы Еңбек және халықты әлеуметтік қорғау министрінің 2021 жылғы 25 наурыздағы №84 бұйрығымен Семей ядролық сынақ полигонындағы ядролық сынақтардың салдарынан зардап шеккен азаматтарды тіркеу, біржолғы мемлекеттік ақшалай өтемақы төлеу, куәлік беру мәселелері төңірегінде 7 азаматқа тиісті қызметтер көрсетіліп, «Мүгедек балаларды үйде оқытуға жұмсалған шығындарды өтеу» қызметі бойынша 255 өтініш келіп түскен.

Сонымен қатар, 107 азамат «Үйде күтім көрсету жағдайында арнаулы әлеуметтік қызмет көрсету» бойынша өтініш берсе, 130 азамат «Медициналық-әлеуметтік мекемелерде (ұйымдарда) арнаулы әлеуметтік қызмет» алуға өтініш білдірген.

Ал, 29 азамат жергілікті өкілді органдардың шешімдері бойынша мұқтаж
азаматтардың жекелеген санаттарына көрсетілетін әлеуметтік көмектерге қатысты жүгінген.

Аудан тұрғындары мен мұқтаж жандардан келіп түскен әрбір өтініш пен жекелеген мәселелер ауданның жұмыспен қамту және әлеуметтік бағдарламалар бөлімі тарапынан зерделеніп, заң аясында тиісті жұмыстар жүргізілуде.

Бауыржан НАЙМАНОВ,

Жетісай ауданы.