ТҮРКИЯНЫҢ КӨПТЕГЕН АЙМАҚТАРЫНДА ҚУАТТЫ ЖЕР СІЛКІНІСТЕРІ ОРЫН АЛДЫ
Posted by: Қалмұрат
in News, PRESS RELEASE, Әлемде, Табиғи апат
06/02/2023
29 Views
Түркия Республикасы сейсмологтарының мәліметінше, 7,4 балдық жер сілкінісінен кейінгі дүмпулер дүйсенбі күні Түркияның көптеген аймақтарында сезілген.
Төтенше жағдайлар жөніндегі мемлекеттік департаменттің түсіндіруінше, жер сілкінісі Кахраманмараш провинциясының Пазарджык аймағында жергілікті уақыт бойынша 04:17-де 7 шақырым тереңдікте болған. Жер асты дүмпулері одан кейін жарты сағат бойы елдің әртүрлі аймақтарында – Адана, Анкара, Анталия, Газиантеп, Кайсери, Мерсин, Трабзон, Шанлыурфада тіркелген. Сонымен қатар, жер сілкінісі Ирак пен Ливанның кейбір аймақтарында да сезілген.
Табиғи апаттың кесірінен Түркияның кем дегенде төрт провинциясында ғимараттар зардап шеккен. Үйлердің құлауы 1 миллионнан астам халқы бар Кахраманмараш, Малатия провинцияларында тіркелді. Әзірге қаза болғандар мен зардап шеккендер саны туралы нақты ақпарат жоқ.
Жергілікті тұрғындар суық ауа-райына қарамастан, жер асты дүмпуінің қайталануынан қорқып, үйлерінен көшіп кетіп жатыр. Қазір құтқару жұмыстары жүргізілуде.
Назерке МАКСИМОВА,
Т. Жүргенов атындағы Қазақ ұлттық өнер академиясының 3-курс студенті.
7.4 баллдық жер сілкінісі Зілзала Түркия 2023-02-06
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
