ЭЛЕКТРОНДЫҚ ҮКІМЕТ ПОРТАЛЫ ЖҰМЫСЫНЫҢ УАҚЫТША ЖҰМЫС ІСТЕМЕУ СЕБЕПТЕРІ
Posted by: Қалмұрат
in News, PRESS RELEASE, Жаңалықтар, Маман кеңесі, Саясат
08/02/2023
4 Views
2023 жылы 6 ақпанда Индустриялық даму қоры autonesie.kz сайтында жеңілдетілген автокөлік несиесін іске қосты. Пайдаланушылардың көптеп келуіне байланысты «Мемлекеттік техникалық қызмет» АҚ сүйемелдейтін Интернетке қол жеткізудің бірыңғай шлюзімен қорғалатын жекелеген сервистерге көптеген өтініштер жасалды.
Интернетке қол жеткізудің бірыңғай шлюзі «Электрондық үкіметтің» тізбегін және басқа мемлекеттік жүйелерді қорғау үшін жоғары және қалыптан тыс жүктемерлер болған жағдайда «сақтандырғыш» ретінде қызмет атқарады.
Сұраныстар санының көп болуы Электрондық үкімет интернет-трафигін бұғаттады, сол себепті «ҰАТ» АҚ сүйемелдейтін ресурстар қолжетімсіз болды.
Порталды әзірлеу және іске қосуды Индустриялық даму қоры келісімсіз, сондай-ақ «ҰАТ» АҚ инфрақұрылымдық және техникалық қолдауынсыз дербес жүзеге асырғанын атап өткен жөн.
Пайдаланушылардың өтінімдеріне қол қою үшін портал жұмысында пайдаланылатын электрондық үкімет сервистері штаттық режимде жұмыс істеді және порталдың жұмысына әсер етпеді.
«ҰАТ» АҚ басшылығы уақытша қолайсыздықтар үшін электрондық үкімет порталының пайдаланушыларынан кешірім сұрайды. Сонымен қатар, электрондық үкімет АК инфрақұрылымының операторы бола отырып, келесі ретте жеңілдетілген мемлекеттік бағдарламаларды іске қосу кезінде осындай жағдайды болдырмау мақсатында мүдделі тараптарға көмек көрсетуге дайын екендігін білдіреді.
«ҰАТ» АҚ
Қоғаммен байланыс басқармасы
Анықтама: «Ұлттық ақпараттық технологиялар» АҚ «электрондық үкіметтің» инфокоммуникациялық инфрақұрылымының және мемлекеттік органдардың бірыңғай көлік жүйесінің операторы болып табылады, сондай-ақ орталық және өңірлік мемлекеттік органдардың ақпараттық жүйелеріне жүйелі және техникалық қызмет көрсетуді қамтамасыз етеді.
Қосымша ақпарат алу үшін мына телефонға хабарласыңыз:
Асия МУСАБЕК.
2023-02-08
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
