ЖОЛ БЕЛГІЛЕРІ МЕН ЖАСАНДЫ ЖОЛ КЕДЕРГІЛЕРІ ҚОЙЫЛУДА
Posted by: Қалмұрат
in News, PRESS RELEASE, Әлеумет, Хабарландыру
14/03/2023
15 Views
Жетісай ауданының әкімі Серік Үсенұлы Мамытовтың тапсырмасына сәйкес қала, кент, ауылдық округ тұрғындарының жолда жүру қауіпсіздігін қамтамасыз ету мақсатында аудандық маңызы бар автомобиль жолдарын күтіп ұстауға аудандық бюджеттен қажетті қаржылар бөлінген. Жоспарға сәйкес мемлекеттік сатып алу рәсімдері ұйымдастырылып, бүгінде жеңімпаз мердігер мекемелермен бекітілген кесте бойынша тиісті жұмыстар жүргізілуде.
Нақтырақ айтар болсақ, жол қауіпсіздігін қамтамасыз ету мақсатында жалпы ұзындығы 17,4 шақырымды құрайтын Жетісай қаласының Қ.А.Яссауий, С.Қожанов, Ескендіров, Т.Дайрашев, Т.Рысқұлов, С.Ерубаев секілді орталық көшелері мен Асықата кентінің Бапышев және Әлімбетов орталық көшелерінде қарама-қарсы бағытты айқындайтын жол сызбалары, 7 мекен-жайға жаяу жүргінші өткелдерін таңбалау жұмыстары жүргізілді.
Одан бөлек, жергілікті бюджет есебінен бөлінген қаражатқа аудандық маңызы бар автомобиль жолдары мен елді мекен көшелеріне стандартқа сай жасанды жол кедергілері, қажетті жерлерге жол белгілерін орнату жұмыстары да жүргізілуде.
Бауыржан НАЙМАНОВ, Жетісай ауданы.
2023-03-14
САЙЫПҚЫРАН.KZ Ақпаратты-сараптамалық порталы АҚПАРАТ ӘЛЕМДІ БИЛЕЙДІ!
